各位朋友，大家好！「三一臨在浸信會」係一間《愛神愛人，愛國愛港》嘅教會。

在2019年6月香港政治風暴嚴重衝擊之下，感謝上主的感動，主嘅僕人黃衛雄牧師喺上主帶領之下，因應當時香港社會同教會撕裂和亂局，在 2019 年 10月3 日為被邊緣化與被排擠的警察及非警察的基督徒同家人，開始咗「三一臨在浸信會」嘅第一次聖餐聚會。

「三一臨在」嘅名稱係指聖父、聖子、聖靈，三一上主臨在喺我哋一群信道、行道嘅弟兄姊妹當中。過去6年嚟，三一神家都秉持住 “一個原則，三個堅持”: 一個原則就係「少談政治，多講信仰」; 三個堅持係 –

1. 堅持信道行道嘅基督信仰。
2. 堅持以基督為中心嘅崇拜。
3. 堅持以傳福音與教導並行。

雖然呢6年期間，三一神家喺社會黑暴同新冠病毒經歷風浪、困難同挑戰，感謝上主一直看顧同帶領，讓三一神家經歷一個一個嘅神蹟到如今，超過6年時間。

上主提醒神嘅僕人衛雄牧師，耶穌睇人係無顔色之分，教會亦無左、中、右立場，三一教友只有「持守真道，跟隨耶穌」呢個立場，以追求耶穌真道及聖經為本、以主耶穌嘅吩咐「愛神愛人」、並且因回應愛我哋嘅主，按照耶穌真道屬神生命不斷成長嘅基督信徒。

我們歡迎您加入三一神家，也歡迎各位介紹喺香港無返教會嘅基督徒、未信耶穌嘅親友參加三一嘅聚會，一齊建立基督嘅身體，喺呢間《愛神愛人，愛國愛港》嘅教會彼此關顧，彼此牧養，一齊經歷上主嘅同在與恩典。

願主耶穌基督犧牲嘅愛成為我哋嘅激勵，叫我們喺三一神家「以恩慈相待，存憐憫嘅心，彼此饒恕，正如上帝喺基督裡饒恕咗我哋一樣。」（以弗所書四章32節）

奉主耶穌名求。誠心所願 ！